மராட்டியத்தில் எந்த கட்சிக்கும் ஆட்சி அமைக்கும் அளவு தனிப்பெரும்பான்மை இல்லாததால், ஜனாதிபதி ஆட்சி அமல்படுத்தப்பட்டுள்ளது. அதிகாரப்பகிர்வில் ஏற்பட்ட கருத்து வேறுபாட்டால், பாஜகவுடனான கூட்டணியை முறித்துக்கொண்ட சிவசேனா, காங்கிரஸ், தேசியவாத காங்கிரஸ் ஆகிய கட்சிகளுடன் இணைந்து ஆட்சியமைக்க தீவிர முயற்சியில் ஈடுபட்டு வருகிறது. இதற்கு மத்தியில், தேசியவாத காங்கிரஸ் தலைவர் சரத் பவார் இன்று பிரதமர் மோடியை சந்தித்தது, மராட்டிய அரசியல் வட்டாரத்தில் திடீர் பரபரப்பை ஏற்படுத்தியிருந்தது.

இந்த பரபரப்புக்கு மத்தியில், தேசியவாத காங்கிரஸ், சிவசேனா தலைவர்களுடன் காங்கிரஸ் முக்கிய நிர்வாகிகள் டெல்லியில் பேச்சுவார்த்தை நடத்தினர். இதனால் 3 கட்சிகள் இடையே விரைவில் உடன்பாடு எட்டப்படும் என தகவல்கள் தெரிவிக்கின்றன.