மத்திய பட்ஜெட்டில் நிதித்துறை சார்ந்த திட்ட அறிவிப்புகள் குறித்து பிரதமர் மோடி நேற்று இணையவழியில் பேசினார். அவர் பேசியதாவது:-

நிதி சேவைகள் துறை துடிப்பாகவும், வலிமையாகவும் இருக்க மத்திய அரசு நடவடிக்கை எடுத்து வருகிறது. தற்போது நமது பொருளாதாரம் வளர்ந்து வருகிறது. வேகமாக வளர்ந்து வருவதால், அதற்கு சமமாக கடன் வினியோகம் அதிகரிப்பதும் முக்கியம். எனவே, வணிகங்களுக்கு கடன் வழங்குவதை அதிகரிக்க வேண்டும். புதிய ஸ்டார்ட்அப் நிறுவனங்களுக்கு தேவையான நிதிசார்ந்த அனைத்தையும் செய்ய வேண்டும். சரியான நோக்கத்துடன் எடுக்கப்படும் எல்லா வர்த்தக முடிவுகளுக்கும் மத்திய அரசு துணைநிற்கும்.