பாஜக நீண்டகால கூட்டாளியான எஸ்ஏடி(அகாலிதளம்)யுடன் பிரிந்து, பிஎல்சி மற்றும் எஸ்ஏடி (சன்யுக்த்) உடன் கூட்டணியில் போட்டியிட்டது. எஸ்ஏடி(அகாலிதளம்) பிஎஸ்பியுடன் கூட்டணி வைத்தது.

தற்போது வரை எண்ணப்பட்ட வாக்கு எண்ணிக்கை நிலவரப்படி, ஆம் ஆத்மி 85 இடங்களிலும், காங்கிரஸ் 17 இடங்களிலும், அகாலிதளம் 10 இடங்களிலும், பாஜக 4 இடங்களிலும் மற்றவை 1 இடத்திலும் முன்னிலை பெற்றுள்ளன. ஆளும் காங்கிரஸ் கட்சிக்கு இது பெரும் பின்னடைவாக பார்க்கப்படுகிறது.

பாட்டியாலா தொகுதியில் போட்டிடும் காங்கிரசை விட்டு பிரிந்த முன்னாள் முதல் மந்திரி கேப்டன் அமரீந்தர் சிங்(பிஎல்சி கட்சி) பின்னடைவை சந்தித்து வருகிறார்.

பஞ்சாப் மாநில தற்போதைய முதல் மந்திரி சரண்ஜித் சிங் சன்னி சம்கௌர் சாஹிப் மற்றும் பதவுர் என இரண்டு தொகுதிகளில் களம் காணுகிறார். அந்த 2 தொகுதிகளிலும் அவர் பின்னடைவை சந்தித்துள்ளார்.

கிழக்கு அமிர்தசரஸ் தொகுதியில் போட்டியிடும் காங்கிரஸ் கட்சியின் நவ்ஜோத் சிங் சித்து பின்னடைவை சந்தித்துள்ளார். அவர் அங்கு மூன்றாம் இடத்தில் உள்ளார்.

ஜலாலாபாத் தொகுதியில் போட்டியிடும் சுக்பீர் சிங் பாதல் (சிரோமணி அகாலி தளம் தலைவர்) பின்னடைவை சந்தித்துள்ளார். அதேபோல, லாம்பி தொகுதியில் போட்டியிடும் பிரகாஷ் சிங் பாதல் (சிரோமணி அகாலி தளம் ) பின்னடைவை சந்தித்துள்ளார்.

பதான்கோட் தொகுதியில் போட்டியிடும் அஸ்வனி குமார் சர்மா (பாஜக) பின்னடைவை சந்தித்துள்ளார்.

துரி தொகுதியில் போட்டியிடும் பகவந்த் மான் ஆம் ஆத்மியின் முதல் மந்திரி வேட்பாளர் முன்னிலை வகிக்கிறார்.

84 தொகுதிகளில் முன்னிலை பெற்றுள்ள ஆம் ஆத்மி கட்சி ஆட்சியை பிடிக்கும் என எதிர்பார்க்கப்படுகிறது. தேர்தலுக்கு பிந்தைய கருத்துக்களை நிஜமாக்கும் வகையில் ஆம் ஆத்மி பஞ்சாப் மாநில வரலாற்றில் முதன் முறையாக ஆட்சியை பிடிக்க உள்ளது குறிப்பிடத்தக்கது.