டெல்லியில் 10ம் வகுப்பு பொதுத்தேர்வு நேற்று தொடங்கியது. இதையொட்டி காங்கிரஸ் கட்சியின் தலைவர் ராகுல் காந்தி தன்னுடைய முகநூல் பக்கத்தில் நேற்று வெளியிட்டுள்ள பதிவில் கூறியிருப்பதாவது:

பொதுத்தேர்வுக்காக மாணவர்கள் அனைவரும் தீவிரமாக படித்து இருப்பீர்கள் என்பது எனக்கு தெரியும். தேர்வில் உங்கள் திறமையை வெளிக்காட்டுங்கள். எவ்வித பதற்றமும் இல்லாமல் தேர்வை நம்பிக்கையுடன் எதிர்கொள்ளுங்கள். பிரகாசமான எதிர்காலம் உங்களுக்கு இந்த உலகில் காத்திருக்கிறது. தேர்வில் அனைவரும் வெற்றி பெற வாழ்த்துகள்.