பா.ஜனதாவின் ஆட்சி நடைபெறும் மற்றொரு மாநிலமான மத்திய பிரதேசத்தில் உள்ள 230 தொகுதிகளில் காங்கிரஸ் 122 தொகுதிகளில் வென்று 15 ஆண்டுகளுக்கு பிறகு மீண்டும் ஆட்சியை கைப்பற்றும் எனவும், பா.ஜனதாவுக்கு 108 தொகுதிகள் கிடைக்கும் என்றும் தெரிய வந்துள்ளது.

அதேபோல் சத்தீஷ்கார் மாநிலத்திலும் 15 ஆண்டுகளுக்கு பிறகு காங்கிரஸ் ஆட்சியை கைப்பற்றும் கருத்துக் கணிப்பில் தெரிய வந்துள்ளது. அங்கு மொத்தமுள்ள 90 தொகுதிகளில் காங்கிரசுக்கு 47 இடங்களும், பா.ஜனதாவுக்கு 40 தொகுதிகளும் கிடைக்கும் என்று கருத்துக் கணிப்பு கூறுகிறது.

மத்திய பிரதேசம், சத்தீஷ்கார் மாநிலங்களில் பா.ஜனதாவுக்கு எதிர்ப்பலை வீசினாலும், வாக்காளர்கள் முதல்மந்திரி பதவிக்கு முறையே சிவராஜ் சிங் சவுகான் மற்றும் ராமன் சிங் ஆகியோரே பொருத்தமானவர் என்றும் கருத்து தெரிவித்து உள்ளனர். இதனால் இந்த 2 மாநிலங்களிலும் கடும் போட்டி நிலவுகிறது.