சட்டசபைத் தேர்தல் நடைபெற உள்ள ராஜஸ்தானின் கோடாவில் பா.ஜனதா நிர்வாகிகள் கூட்டம் நடந்தது. அதில் அமித்ஷா பேசுகையில் உண்மையோ, பொய்யோ நாம் நினைக்கும் செய்தியை வைரலாக்க முடியும். சுமார் 32 லட்சம் பேர் நம் வாட்ஸப் குரூப்களில் உள்ளனர். இதனால், எதையும் வைரலாக ஆக்கலாம் என்று கூறியுள்ளார். உத்தரபிரதேச மாநிலத்தில் சட்டசபைத் தேர்தல் நடைபெற்ற போது சமாஜ்வாடி கட்சியின் தலைவர் அகிலேஷ் யாதவ், முலாயம் சிங் யாதவை தாக்கிவிட்டார் என்று நம்முடைய வாட்ஸ் அப்பில் தகவல் வெளியிடப்பட்டது. அது நடக்கவில்லை என்றாலும் அது வைரலானது. நம்மிடம் செய்தியை மக்களிடம் கொண்டு செல்லும் தகுதி உள்ளது எனவும் அமித்ஷா பேசினார். அமித்ஷாவின் இந்த பேச்சுக்கு பல்வேறு தரப்பில் கண்டனமும் தெரிவிக்கப்பட்டு வருகிறது.