அப்போது மேலும் 9 நாட்கள் அவரை தங்களது காவலில் ஒப்படைக்க வேண்டும் என்று அமலாக்கத்துறை கோரியது. இது தொடர்பாக அமலாக்கத்துறை வக்கீல் வாதிடுகையில், அனில் தேஷ்முக் சார்பில் வெடிகுண்டு கார் வழக்கில் கைதாகி உள்ள போலீஸ் அதிகாரி சச்சின் வாசே மாமூல் வசூலித்து உள்ளார். அவர் மாமூல் வசூலித்த மதுபான விடுதி உரிமையாளர்களின் பட்டியலை கொடுத்துள்ளார். அனில் தேஷ்முக் குடும்பத்தினர் நடத்தும் 27 நிறுவனங்கள் இந்த மாமூல் மூலம் பயன் அடைந்துள்ளன. எனவே அவரிடம் மேலும் விசாரிக்க வேண்டியது இருப்பதால், அமலாக்கத்துறை காவலில் ஒப்படைக்க வேண்டும் என்றார்.

ஆனால் இதை கோர்ட்டு ஏற்க மறுத்தது. இதையடுத்து அவரை 14 நாட்கள் நீதிமன்ற காவலில் சிறையில் அடைக்க கோர்ட்டு உத்தரவிட்டது.