அயோத்தி ராமர் கோவில் பிரச்சினை தொடர்பான வழக்கை விசாரித்த அலகாபாத் ஐகோர்ட்டு, சர்ச்சைக்குரிய நிலப்பகுதியை சம்பந்தப்பட்ட மூன்று தரப்பினரும் சமமாக பிரித்துக் கொள்ள வேண்டும் என்று கடந்த 2010ம் ஆண்டு தீர்ப்பு கூறியது.

இந்த தீர்ப்பை எதிர்த்து தாக்கல் செய்யப்பட்ட 14 மேல்முறையீட்டு மனுக்களை சுப்ரீம் கோர்ட்டு விசாரித்து வருகிறது. இந்த நிலையில், இந்த வழக்கில் தங்களையும் சேர்த்துக் கொண்டு தங்கள் தரப்பு வாதத்தையும் கேட்டு அறிய வேண்டும் என்று கோரி சிலர் சுப்ரீம் கோர்ட்டில் இடைக்கால மனுக்கள் தாக்கல் செய்தனர்.