காஷ்மீரில் பூஞ்ச் பகுதியில் உள்ள புகழ்பெற்ற முகல் சாலை பகுதியில் திடீரென பனிப்பெழிவு அதிகரித்துள்ளது. சாலைகளில் பனிக்குவியல்கள் காணப்படுகின்றன. சில இடங்களில் பனிப்பாறைகள் சரிந்து விழுந்தன. இதனால் மலைப்பாதைகளில் பயணம் செய்வதை தவிர்க்குமாறு காஷ்மீர் போலீசார் அறிவுறுத்தியுள்ளனர்.

இதனிடையே முகல் சாலையில் 7 மலையேற்ற வீரர்கள் பனிப்பெழிவில் சிக்கியிருப்பதாக போலீசாருக்கு தகவல் கிடைத்தது. இதையடுத்து பொதுப்பணித்துறை அதிகாரிகள் மீட்புப் பணிகளை துரிதப்படுத்தினர். இதையடுத்து கடும் பனிப்பொழிவுக்கு நடுவே 7 மலையேற்ற வீரர்களும் பத்திரமாக மீட்கப்பட்டனர். பிரதான சாலைகளை மூடியிருக்கும் பனியை அப்புறப்படுத்தும் பணிகள் நடைபெற்று வருவதாகவும், பொதுமக்கள் கவனத்துடன் இருக்க வேண்டும் என்றும் காவல்துறையினர் கேட்டுக்கொண்டுள்ளனர்.