கடந்த ஏப்ரல் மாதம் 20-ந் தேதி தமிழ்நாடு மாநில தேர்தல் ஆணையம் சார்பில் சுப்ரீம் கோர்ட்டில் தாக்கல் செய்யப்பட்ட பிரமாண பத்திரம் ஒன்றில் ஜூலை 30-ந் தேதிக்குள் உள்ளாட்சி தேர்தல் கண்டிப்பாக நடத்தப்படும் என்று கூறப்பட்டுள்ளது. ஆனால் இதுவரை எந்த நடவடிக்கையும் எடுக்கப்படவில்லை.

இந்த வழக்கின் மீது அரசு தரப்பில் இதுவரை 3 முறை வாய்தா வாங்கப்பட்டுள்ளது. எனவே தமிழ்நாடு மாநில தேர்தல் ஆணையம் உள்ளாட்சி தேர்தல் குறித்த அறிவிப்பை 15 நாட்களுக்குள் வெளியிட சுப்ரீம் கோர்ட்டு உத்தரவு பிறப்பிக்க வேண்டும்.

இவ்வாறு இந்த மனுவில் கூறப்பட்டுள்ளது.

வெள்ளிக்கிழமை விசாரணை

சுப்ரீம்கோர்ட்டு தலைமை நீதிபதி தீபக் மிஸ்ரா, ஏ.எம்.கன்வில்கர், டி.ஒய்.சந்திரசூட் ஆகியோர் அடங்கிய அமர்வு முன்பு தமிழ்நாடு பொதுநல வழக்குக்கான மையம், மதுரை சார்பில் நேற்று வக்கீல் ஜெயசுகின் ஆஜராகி பிரச்சினையின் அவசரம் கருதி பொதுநல மனுவை அவசர வழக்காக ஏற்று உடனடியாக விசாரணை நடத்த வேண்டும் என்று முறையிட்டார்.

இதனை ஏற்றுக் கொண்ட நீதிபதிகள், இந்த மனு வரும் வெள்ளிக்கிழமையன்று (1-ந்தேதி) விசாரணைக்கு எடுத்துக் கொள்ளப்படும் என்று தெரிவித்தனர்.