கர்நாடகத்தில் அடுத்த ஆண்டு (2023) சட்டசபை தேர்தல் நடைபெற உள்ளது. இந்த தேர்தலில் 150 தொகுதிகளில் வெற்றி பெற்று சொந்த பலத்தில் ஆட்சி அமைக்க பா.ஜனதா மேலிடம் திட்டமிட்டுள்ளது. இதற்காக இப்போதில் இருந்தே கர்நாடகத்தில் கட்சியை பலப்படுத்தும் நடவடிக்கைகளில் பா.ஜனதா மேலிடம் இறங்கி உள்ளது. இதையடுத்து, பா.ஜனதா மேலிட தலைவர்கள் காநாடகத்தில் முகாமிட்டு கட்சியை வளர்க்கவும், தேர்தல் வியூகங்களை வகுக்கும் வேலையிலும் ஈடுபட்டுள்ளனர்.

இந்த நிலையில், பா.ஜனதா மூத்த தலைவரும், மத்திய உள்துறை மந்திரியுமான அமித்ஷா இன்று (திங்கட்கிழமை) பெங்களூருவுக்கு வருகை தர உள்ளார். அதாவது டெல்லியில் இருந்து தனி விமானத்தில் பெங்களூரு எச்.ஏ.எல். விமான நிலையத்திற்கு இன்று இரவு 11.20 மணியளவில் அமித்ஷா வர இருக்கிறார். நாளை (செவ்வாய்க்கிழமை) பெங்களூருவில் நடைபெறும் பல்வேறு நகிழச்சிகளில் அமித்ஷா கலந்து கொள்ள இருக்கிறார்.