டெல்லி மேல்சபையில், சிறுபான்மையினர் மற்றும் தலித்துகள் மீது நடத்தப்படுகிற வன்கொடுமைகள் பற்றி இன்று விவாதம் நடைபெற்ற போது, இந்த விவாதத்தில் பேசிய சமாஜ்வாடி கட்சி எம்.பி., நரேஷ் அகர்வால், அப்போது அவர் இந்து கடவுள்கள் பற்றி சர்ச்சைக்குரிய வகையில் கருத்து ஒன்றை தெரிவித்தார். நரேஷ் அகர்வாலின் சர்ச்சை கருத்துக்கு எதிராக பாஜக எம்.பிக்கள் கடும் அமளியில் ஈடுபட்டனர். அவையின் மையப்பகுதிக்கு வந்து கூச்சல் குழப்பத்தில் ஈடுபட்டனர்.

சபையின் முன்னவரான நிதி மந்திரி அருண் ஜெட்லி, அவரது பேச்சுக்கு கண்டனம் தெரிவித்தார். மேலும், நரேஷ் அகர்வால் தெரிவித்த கருத்தை, சபைக்கு வெளியே பேசி இருந்தால், அவர் மீது வழக்கு தொடர்ந்திருக்க முடியும் என குறிப்பிட்டார்.