பொதுத்துறை வங்கிகளில் 9 ஆயிரம் கோடி அளவுக்கு கடன் மோசடி செய்துவிட்டு, லண்டனில் தஞ்சம் அடைந்துள்ளார் பிரபல தொழில் அதிபர் விஜய்மல்லையா. அவரை நாடு கடத்தக்கோரி இந்தியா தொடர்ந்த வழக்கு லண்டன் நீதிமன்றத்தில் நடைபெற்று வருகிறது. இந்த வழக்கில் வரும் டிசம்பர் மாதம் லண்டன் நீதிமன்றம் தீர்ப்பளிப்பதாக தெரிவித்துள்ளது.

இந்த சூழலில், இந்தியாவை விட்டு வெளியேறும் முன் நிதி மந்திரி அருண் ஜெட்லியை சந்தித்தாகவும் வங்கி பிரச்சினைகளுக்கு தீர்வு காண தயாராக இருப்பதாகவும் அவரிடம் தெரிவித்தேன் என்று விஜய்மல்லையா கூறியது இந்திய அரசியலில் பெரும் புயலை கிளப்பியது. இதையடுத்து, விஜய் மல்லையா பேட்டி குறித்து மத்திய நிதி மந்திரி அருண் ஜெட்லி விளக்கம் அளித்தார். அப்போது, விஜய் மல்லையா கூறியது பொய் எனவும், மாநிலங்களை உறுப்பினராக இருந்த விஜய் மல்லையா, நாடாளுமன்றத்தில் நான் சென்று கொண்டிருந்த போது, என்னிடம் நடந்தபடியே பேசியதாகவும், கடன் தீர்வுக்கு ஏற்பாடு செய்து கொண்டிருக்கிறேன் எனவும் கூறினார்.