திருப்பதி கோவிலில் ரூ.100 கோடி திருட்டா? ஆந்திராவில் பரபரப்பு

இது தொடர்பாக ரவிக்குமார் மீது வழக்குப்பதிவு செய்யப்பட்ட நிலையில், லோக் அதாலத் மூலம் சமரசம் செய்யப்பட்டு ரவிக்குமாரின் சொத்துகளில் பாதியை கோயில் நிர்வாகம் எழுதி வாங்கியதாக கூறப்படுகிறது. இந்நிலையில், காவல் துறை உயரதிகாரிகள் மற்றும் தேவஸ்தான அதிகாரிகள் சிலர் ரவிக்குமாரை மிரட்டி மீதமுள்ள சொத்துக்களை தங்களது உறவினர்களின் பெயரில் எழுதிக் கொண்டதாக சொல்லப்படுகிறது.

இதுதொடர்பாக தேவஸ்தான அறங்காவலர் குழு உறுப்பினர் பானு பிரகாஷ் ரெட்டி, ஆந்திரப்பிரதேச ஐகோர்ட்டில் வழக்கு தொடர்ந்தார். மனுவை விசாரித்த ஐகோர்ட்டு, லோக் அதாலத் வழங்கிய சமரச தீர்ப்பை ரத்து செய்ததுடன், வழக்கை சிபிசிஐடி போலீசார் விசாரிக்க உத்தரவிட்டது. மேலும், வழக்கு தொடர்பான அனைத்து ஆவணங்கள், பழைய அறங்காவலர் குழு நிறைவேற்றிய தீர்மான நகல் உள்ளிட்டவற்றை சீலிடப்பட்ட கவரில் வைத்து தாக்கல் செய்யவும் நீதிமன்றம் உத்தரவிட்டது.