புதுடெல்லி,

பா.ஜனதாவை சேர்ந்த வக்கீல் அஸ்வினி குமார் உபாத்யாயா, டெல்லி ஐகோர்ட்டில் ஒரு பொதுநல மனு தாக்கல் செய்துள்ளார். அதில் அவர் கூறியிருப்பதாவது:-

குற்றச்செயல் அதிகரிப்பு, காற்று மாசு, இயற்கை வள பற்றாக்குறை, வேலையின்மை ஆகிய எல்லா பிரச்சினைகளுக்கும் மக்கள்தொகை உயர்வே காரணம். அதை கட்டுப்படுத்தும்வகையில், நீதிபதி வெங்கடாசலய்யா குழுவின் பரிந்துரைகளை அமல்படுத்த உத்தரவிட வேண்டும். 2 குழந்தைகளுக்கு மேல் பெற்றால் அரசு வேலையோ, எவ்வித உரிமைகளோ கிடையாது என்று அறிவிக்க வேண்டும். இவ்வாறு அவர் கூறியுள்ளார்.

இந்த மனு, தலைமை நீதிபதி ராஜேந்திர மேனன் தலைமையிலான அமர்வு முன்பு இன்று விசாரணைக்கு வருகிறது.