ராகுல் காந்தி 'பாரத் ஜோடோ நியாய யாத்திரை' என்கிற பெயரில் யாத்திரை மேற்கொண்டு வருகிறார். ராகுலின் யாத்திரை தற்போது உத்தரபிரதேச மாநிலத்தில் சென்று கொண்டிருக்கிறது. அங்குள்ள அலிகார் முஸ்லிம் பல்கலைக்கழகத்தில் ராகுல் காந்தி மாணவர்களுடன் உரையாடினார். அப்போது ராகுல் காந்தியிடம் மாணவி ஒருவர் ஹிஜாப் குறித்து கேள்வி எழுப்பினார். இதற்கு பதிலளித்த ராகுல் காந்தி கூறியதாவது:-

ஒரு பெண் எந்த உடையை அணிய விரும்புகிறார் என்பது அவருடைய விருப்பம். அதை அவர்தான் முடிவு செய்ய வேண்டும். இதுதான் என்னுடைய கருத்து. நீங்கள் என்ன அணிகிறீர்கள் என்பதற்கு நீங்கள்தான் பொறுப்பு. எனவே, என்ன அணிய வேண்டும் என்பது உங்களின் முடிவு. மாறாக, நீங்கள் என்ன அணிய வேண்டும் என்பதை வேறு யாரும் தீர்மானிக்க வேண்டும் என்பதாக நான் நினைக்கவில்லை" என்றார்.