பாராளுமன்ற பட்ஜெட் கூட்டத் தொடர் கடந்த 28-ந்தேதி தொடங்கியது. இந்த கூட்டத் தொடர் ஏப்ரல் 2-ந்தேதி வரை நடைபெறுகிறது. கூட்டத் தொடரை 2 கட்டங்களாக நடத்த முடிவு செய்யப்பட்டுள்ளது.இந்த ஆண்டின் முதல் கூட்டம் என்பதால், கடந்த 28-ந்தேதி பாராளுமன்றத்தின் இரு அவைகளில் ஜனாதிபதி உரையாற்றினார். மறுநாள், 29-ந்தேதி, மத்திய மந்திரி நிர்மலா சீதாராமன் பொருளாதார ஆய்வறிக்கையை தாக்கல் செய்தார்.இதனால், பாராளுமன்றத்தில் இன்று காலை 11 மணிக்கு மத்திய மந்திரி நிர்மலா சீதாராமன் 2026-2027-ம் நிதி ஆண்டுக்கான மத்திய பட்ஜெட்டை தாக்கல் செய்தார். அவர் தொடர்ச்சியாக தாக்கல் செய்த 9-வது பட்ஜெட் இதுவாகும்.இந்த பட்ஜெட்டில் பல்வேறு வரி சலுகைகள் வழங்கப்பட்டாலும், தனி நபர் வருமான வரி விகிதம் மற்றும் உச்ச வரம்பில் எந்த வித மாற்றமும் இல்லை என்று நிர்மலா சீதாராமன் தெரிவித்தார்.