வணிகர்களிடம் அதிகாரிகளின் லஞ்ச வேட்டை, அரசியல் தலையீடு, ரவுடிகளின் அட்டகாசம் ஆகியவை தற்போது இல்லை. இதற்கு காரணம் வணிகர்களின் ஒற்றுமையே.

வணிகத்தையும், வணிகர்களையும் காப்பாற்ற வணிகர் சங்கம் உருவாக்கப்பட்டது. ஆட்சியாளர்கள் வெளிநாட்டு கம்பெனிகளுக்கு பல சலுகைகள் வழங்கி வருகிறார்கள். இதனால் உள்நாட்டு நிறுவனங்கள் பெரிதும் பாதிக்கப்படுகிறது. வெளிநாட்டு வணிகத்தை காங்கிரஸ் இந்தியாவில் அனுமதித்தது. பா.ஜனதா அரசு அதை வளர்கிறது.

வேலையில்லா திண்டாட்டம், உள்நாட்டு நிறுவனத்தின் உற்பத்தி குறைவு, வெளிநாட்டு பொருட்கள் உற்பத்திக்கு வரவேற்பு இத்தகைய செயல்களால் இந்திய நாட்டின் பொருளாதாரம் சரிவடைந்து உள்ளது. இந்த செயல் தொடர்ந்து நீடித்தால், இந்திய பொருளாதாரத்தை மீட்டெடுக்க முடியாத நிலை ஏற்படும்.

ஆன்லைன் வர்த்தகத்தால் உள்நாட்டு ஏழை, எளிய வணிகர்கள் கடுமையாக பாதிக்கபடுகிறார்கள். உள்நாட்டு உற்பத்திகளைப் பற்றி மக்களிடம் வணிகர்கள் பிரசாரம் செய்ய வேண்டும். ஒருபோதும் அரசியல் கட்சியினர் நமக்கு உதவ மாட்டார்கள்.

இவ்வாறு வெள்ளையன் பேசினார்.

தொடர்ந்து புதிய நிர்வாகிகள் தேர்வு நடந்தது. இதில், டேவிட்சன் தலைவராகவும், கிராஸ் அருள்ராஜ், அம்பலவாணன், ஜேம்ஸ் மார்ஷல் ஆகியோர் உதவி தலைவர்களாகவும் தேர்வு செய்யப்பட்டனர். ராஜதுரை பொருளாளராகவும், நாராயணராஜா செயலாளராகவும் தேர்வு செய்யப்பட்டார்கள். மேலும் கூட்டத்தில் பல்வேறு தீர்மானங்களும் நிறைவேற்றப்பட்டன.