அந்த வழியாக சென்றவர்கள் இதனைப் பார்த்து அதிர்ச்சி அடைந்து, எட்டயபுரம் போலீஸ் நிலையத்துக்கு தகவல் தெரிவித்தனர். உடனே போலீஸ் இன்ஸ்பெக்டர் கலா மற்றும் போலீசார் சம்பவ இடத்துக்கு விரைந்து சென்றனர். விபத்தில் பலியான முருகன், மலையாண்டி ஆகிய 2 பேரின் உடல்களையும் கைப்பற்றி பிரேத பரிசோதனைக்காக எட்டயபுரம் அரசு ஆஸ்பத்திரிக்கு அனுப்பி வைத்தனர்.

இதுகுறித்து போலீசார் வழக்குப்பதிவு செய்து, லாரி டிரைவரான எட்டயபுரம் அருகே மேல ஈரால் வடக்கு தெருவைச் சேர்ந்த மூக்கையா மகன் மகா குருவிடம் (25) விசாரித்து வருகின்றனர். திருச்சியில் இருந்து சீனி மூட்டை லோடு ஏற்றிய லாரி நெல்லைக்கு சென்றபோது இந்த கோர விபத்து நிகழ்ந்தது.

விபத்தில் இறந்த முருகனுக்கு தனலட்சுமி என்ற மனைவியும், சித்ரா என்ற மகளும் உள்ளனர். இறந்த மலையாண்டிக்கு முத்துலட்சுமி என்ற மனைவியும், கார்த்திக் என்ற மகனும், ரம்யா என்ற மகளும் உள்ளனர். விபத்தில் இறந்த 2 பேரின் உடல்களையும் பார்த்து குடும்பத்தினர், உறவினர்கள் கதறி அழுதது கல்நெஞ்சையும் கரைய வைப்பதாக இருந்தது.

எட்டயபுரம் அருகே மொபட் மீது லாரி மோதியதில் வியாபாரிகள் 2 பேர் உடல் நசுங்கி பலியான சம்பவம் அந்த பகுதியில் சோகத்தை ஏற்படுத்தி உள்ளது.