நெல்லை மாவட்டம் சங்கரன்கோவில் அருகே உள்ள மேட்டுதுரைச்சாமிபுரத்தை சேர்ந்தவர் சிவபண்டாரம் மனைவி நல்லமுத்து (வயது 65). இவரும், அவருடைய உறவினர்களான தூத்துக்குடி மாவட்டம் வல்லநாடு அருகே உள்ள வடக்கு காரசேரியை சேர்ந்த பேச்சிமுத்து (27) உள்பட 15 பேர் சபரிமலை அய்யப்பன் கோவிலுக்கு நேற்று முன்தினம் ஒரு வேனில் புறப்பட்டு சென்றனர். அங்கு அவர்கள் சாமி கும்பிட்டு விட்டு மீண்டும் அதே வேனில் தங்கள் ஊருக்கு புறப்பட்டனர்.

நேற்று அதிகாலை 3 மணி அளவில் செங்கோட்டை அருகே உள்ள கேசவபுரம் பகுதியில் வேன் வந்து கொண்டிருந்தது. அப்போது வேனில் இருந்தவர்கள் இயற்கை உபாதை கழிக்க வேண்டும் என கூறினர். உடனே டிரைவர் கேசவபுரம் மெயின் ரோட்டின் ஓரத்தில் வேனை நிறுத்தினார். பின்னர் வேனில் இருந்தவர்கள் அனைவரும் கீழே இறங்கி இயற்கை உபாதையை கழித்தனர்.