ஜம்மு - காஷ்மீரில் வன்முறை நடப்பதாக, ராகுல் காந்தி கூறி இருந்தார். இதற்கு பதில் அளித்த காஷ்மீர் கவர்னர் சத்யபால் மாலிக், ஜம்மு - காஷ்மீருக்கு சிறப்பு அந்தஸ்து அளித்த சட்டப் பிரிவு ரத்து செய்யப்பட்டதால், பெரிய அளவில் எந்த பாதிப்பும் ஏற்படவில்லை. பக்ரீத் பண்டிகை வழக்கமான உற்சாகத்துடன் கொண்டாடப்பட்டது. அனைத்து மசூதிகளிலும் தொழுகை நடத்தப்பட்டது. இங்கு வந்து நிலைமையை பார்வையிட ராகுல்காந்திக்கு விமானம் அனுப்ப தயார் என்று கூறி இருந்தார்.

இதற்கு பதில் அளித்துள்ள ராகுல்காந்தி மக்கள் மற்றும் முக்கிய தலைவர்களை சந்திப்பதற்கான சுதந்திரத்தை ஏற்படுத்தி தந்தால் காஷ்மீருக்கு வர தயார் என்று கூறியுள்ளார்.