சொந்த நலனுக்காக எடப்பாடி பழனிசாமி அடிமையாக இருக்கிறார்: மு.க.ஸ்டாலின் கடும் தாக்கு

திராவிட மாடல் ஆட்சியில் அனைத்து துறைகளும் இரட்டிப்பு மடங்கிற்கும் அதிகமான வளர்ச்சியை அடைந்து, சாதனை படைத்துள்ளது. அதனால்தான், வரலாற்றிலேயே இல்லாத வகையில், 14 ஆண்டுகளுக்கு பிறகு நம் ஆட்சியில் 11.19 விழுக்காடு பொருளாதார வளர்ச்சியை தமிழ்நாடு அடைந்திருக்கிறது.

அ.தி.மு.க கூட்டணி என்றால் மோடியும் அமித்ஷாவும் கோபப்படுவார்கள். என்.டி.ஏ. கூட்டணி என்றுதான் சொல்ல வேண்டும். அப்படி, கூட்டணிக்கு பெயர் கூட வைக்க முடியாத நிலையில்தான் அ.தி.மு.க இருக்கிறது. தமிழ்நாட்டிற்கான திட்டங்களை தேர்தலுக்காக கூட அறிவிக்க மத்திய பா.ஜ.க ஆட்சியாளர்களுக்கு மனமில்லை. நாம் கேட்பதை எல்லாம் ‘நோ’ என்று சொல்லும் என்.டி.ஏ.விற்கு தமிழ்நாடு எப்போதும் ‘நோ’ தான் சொல்லும். டப்பா இஞ்சினுக்கு இங்கே எப்போதும் அனுமதி இல்லை.

தன் சொந்த நலனுக்காக எடப்பாடி பழனிசாமி அடிமையாக இருக்கிறார். இப்போது கூட பீகாரில் என்ன நடக்கிறது என்று பாருங்கள். நிதிஷ் குமாரின் தேவையே முடிந்ததும், அவரை கழற்றிவிட்டு பா.ஜ.க ஆட்சி செய்யப் பார்க்கிறது. தமிழ்நாட்டிலும் அதையே செய்ய முயற்சிக்கிறது. ஆனால் தமிழ்நாடு எப்போதும் டெல்லிக்கு ‘அவுட் ஆப் கண்ட்ரோல்’ தான்.