கூட்டணி கட்சிகளுக்கு தொகுதிகள் ஒதுக்கீடு, அதிமுக முதல் கட்ட வேட்பாளர் பட்டியல்: ஜெயலலிதா பிறந்த நாளில் அதிரடி காட்ட எடப்பாடி பழனிசாமி திட்டம்

4 முனைப்போட்டி

தமிழக தேர்தல் களத்தை பொறுத்தவரை 4 முனைப்போட்டி நிலவும் என்று எதிர்பார்க்கப்படுகிறது. இதில் தனித்து களம்காணும் சீமான் தலைமையிலான நாம் தமிழர் கட்சி வரும் 21-ந் தேதி திருச்சியில் நடைபெறும் மக்கள் மாநாட்டில் 234 தொகுதிகளுக்கான வேட்பாளர்களை ஒரே மேடையில் அறிமுகப்படுத்த உள்ளதாக தெரிவித்துள்ளது.

நாம் தமிழர் கட்சிக்கு அடுத்தப்படியாக தேர்தல் களத்தில் வேகம் காட்டுவது அதிமுக தான். ஆளுங்கட்சியான திமுக இன்னும் கூட்டணியை இறுதி செய்யாமல் இருப்பதுடன் தேர்தல் அறிக்கை தயாரிப்பு பணியிலும் ஈடுபட்டு வருகிறது.

அதிமுக தீவிரம்

ஆனால், அதிமுகவோ தேர்தல் அறிக்கையில் முக்கியமாக இடம்பெறும் 10 அறிவிப்புகளை வெளியிட்டதுடன், முதற்கட்ட வேட்பாளர் பட்டியலை வெளியிடுவதிலும் தீவிரம் காட்டி வருகிறது.

வரும் சட்டசபை தேர்தலில் அதிமுக கூட்டணியில் அதிமுக 170, பாஜக 25, பாமக 23, தமாகா 6, ஏனைய சிறிய கட்சிகள் 1 முதல் 2 தொகுதிகளில் போட்டியிடும் என தெரிகிறது.

2021 சட்டசபை தேர்தல்

கடந்த (2021) சட்டசபை தேர்தலில் அதிமுக கூட்டணியில் இடம்பெற்றிருந்த கட்சிகளுக்கு ஒதுக்கப்பட்ட தொகுதிகள் விவரம் வருமாறு:-

அதிமுக (இரட்டை இலை) - 179

பா.ம.க. (மாம்பழம்) - 23

பா.ஜ.க. (தாமரை) - 20

த.மா.கா. (இரட்டை இலை) - 6

தமிழக மக்கள் முன்னேற்ற கழகம் (இரட்டை இலை) - 1

மூவேந்தர் முன்னேற்ற கழகம் (இரட்டை இலை) - 1

அகில இந்திய மூவேந்தர் முன்னணி கழகம் (இரட்டை இலை) - 1

பசும்பொன் தேசிய கழகம் (இரட்டை இலை) - 1

பெருந்தலைவர் மக்கள் கட்சி (இரட்டை இலை) - 1

புரட்சி பாரதம் (இரட்டை இலை) - 1