இந்த இலக்கை அடைவதற்கான பயணத்துக்கு ஏற்ப இந்த துறையில் பல பெரிய நிறுவனங்கள் புதிய முதலீடுகளை மேற்கொண்டுள்ளன. வங்கிகளும் நிதி நிறுவனங்களும் கடனுதவியில் முன்னுரிமை அளிக்கின்றன. தொழில்நுட்பங்கள் பரவலாக அதன் விலையும் குறையத் தொடங்குவதைபோல சூரிய மின்னாற்றல் தொழில்நுட்பம் அதிக மக்களை சென்றடைவதால் விலையும் குறைந்து வருகிறது. அப்படியான ஒரு நிலை உருவாகிக் கொண்டிருப்பதால் இந்தியா உலக நாடுகளுக்கான முன்னுதாரமாக உருவாகி வருகிறது. இந்த மிகை மின் உற்பத்தி, பேரளவு முதலீடுகள் தாண்டியும் பல சாதகமான பலன்களும் இந்தியாவுக்கு கிடைக்கும் என்று ஆய்வுகள் கூறுகின்றன.

அடுத்த ஐந்து ஆண்டுகளில் காற்றாலையில் 34,600 வேலை வாய்ப்பும், சூரிய மின்னுற்பத்தியில் 58,600 வேலை வாய்ப்பும், கூரை தகடுகள் அமைப்பில் 2,38,000 வேலைகளும் உருவாகும் என்றும் கூறியுள்ளது. இதில் காற்றாலை மின்சார உற்பத்திக்கு சாதகமாக உள்ள மராட்டியம், உத்தரபிரதேசம், தமிழ்நாடு மாநிலங்களில் அதிக வேலைவாய்ப்புகள் உருவாகும். இந்த வேலை வாய்ப்புகளில் சுமார் 80 சதவீதம் ஆரம்ப கட்ட நிலையில் உள்ளது.