மீன் பிடிக்கிறார்; கூடவே ரசிகர்களையும் பிடிக்கிறார்

கொரோனா முதல் அலைக்கு முன்பு 2 லட்சம் சப்ஸ்கிரைபர்களைப் பெற்றிருந்த செபின், தற்போது 25 லட்சத்திற்கும் மேற்பட்ட சப்ஸ்கிரைபர்களைக் கொண்டிருக்கிறார். விரைவில் யூ-டியூபர் செபின் கடை ஒன்றை திறக்க திட்டமிட்டிருக்கிறார். அதுமட்டுமின்றி அமேசான் ஆற்றில் அரபைமா என்ற ராட்சத மீன்களை பிடிக்க திட்டம் வகுத்திருக்கிறார். மனிதர்களை விட பெரிய அளவில் வளரும் தன்மை கொண்ட இந்த மீன்கள் ஆபத்தானவை.

ராகுல் காந்தி சந்திப்பு

தமிழகத்தில் சட்டமன்ற தேர்தல் நடந்த சமயத்தில் கேரளாவில் சட்டமன்ற தேர்தல் நடந்தது. அப்போது தேர்தல் பிரசாரத்திற்கு கேரளாவிற்கு வருகை தந்திருந்த காங்கிரஸ் எம்.பி.ராகுல் காந்தி செபின் கிரியாக் உடன் கடலுக்கு படகில் சென்று நீச்சல் அடித்தார். அந்த வீடியோ சமூக வலைத்தளங்களில் அதிகம் பரவியது. அதன் மூலம் யூ-டியூபர் செபின் நாடு முழுவதும் மேலும் பிரபலம் ஆனார். அதே வேளையில் ராகுல் காந்தி யூ-டியூப் வீடியோ மூலம் இளம் வயதினரை எளிதாக சென்றடைய முடிந்தது.