இந்தியாவில் கொரோனா வைரஸ் தொற்றுநோயைப் பற்றிய பொதுக் கருத்தை அறிய ஒரு சமூகவியல் ஆய்வின் ஆரம்ப கருத்துக்கணிப்புகள் நடத்தப்பட்டன. இந்த ஆய்வுக்கு பி.எம். பார்கவா அறக்கட்டளை மற்றும் மனித உரிமைகள் பிரச்சினைகளுடன் தொடர்புடைய அன்காட்(ANHAD)என்ற அமைப்பு ஆதரவு அளித்துள்ளது.

கொரோனா தொற்று நோய் ஊரடங்கில் மக்களின் மன நிலை என்ற தலைப்பில் கருத்து கணிப்பு நடத்தப்பட்டது. இதில்

சமூகவியலாளர்கள் சுர்ஜித் சிங் மற்றும் பி.வி.எஸ். குமார், மற்றும் சமூக ஆர்வலர் லீனா தபிரு மற்றும் ராசா ஆகியோர் 2,223 பதிலளித்தவர்களை பேட்டி கண்டனர்

ஆன்லைனில் ஆங்கில வினாத்தாள் வழியாக 1,200 பேரிடமிருந்தும், இந்தியில் 500 பேரும் பதில் அளித்தனர்.

பதிலளித்தவர்களில் சுமார் 60 சதவீதம் பேர் வட இந்தியாவில் இருந்தும், அடுத்து 18 சதவீதம் பேர் மேற்கு இந்தியாவிலிருந்தும் பதில் அளித்தனர்.6 சதவீதம் மட்டுமே தெற்கு மற்றும் கிழக்கிலிருந்து வந்தவர்கள் மேற்குவங்காளம், பீகார், ஒடிசா மற்றும் ஜார்கண்ட் 5 சதவீதம் பேர்.

பங்கேற்ற 10 பேரில் ஆறு பேர் ஆண்கள் மற்றும் பதிலளித்தவர்களில் 46 சதவீதம் பேர் 21-40 வயதுடையவர்கள்.

60 சத்வீதம் பேர் தாங்கள் பட்டதாரிகள் அல்லது முதுகலை பட்டதாரிகள் என்றும், முதன்மையாக அரசு வேலைகளில் இருப்பவர்கள் அல்லது ஒரு தனியார் நிறுவனத்தில் பணிபுரிந்தவர்கள் என்றும் கூறியுள்ளனர்.

கொரோனா வைரஸ் ஒரு ஆய்வகத்தில் உருவாக்கப்பட்டது என்று 10 பேரில் மூன்று பேர் நம்புகின்றனர். ஆனால் பெரும்பாலானவர்கள் அல்லது 42 சதவீதம் பேர் இது இயற்கையாகவே உருவானதாக நம்புகின்றனர்.

சுமார் 54 சதவீதம் பேர் பேர் ஊரடங்கு தொற்றுநோயை "சமாளிக்க உதவியது" என்றும் 30 சதவீதம் பேர் ஊரடங்கு "சிக்கல்களை உருவாக்கியது" என்று கூறி உள்ளனர்.

ஐந்தில் ஒரு பகுதியினர் - அவர்கள் வேலைகள் மற்றும் வருவாயை இழந்துவிட்டதாக கூறி உள்ளனர். 3 சதவீதம் பேர் "பசி மற்றும் பட்டினியை எதிர்கொண்டதாக கூறி உள்ளனர். 10 ல் ஏழு பேர் சமூக விலகல் வைரஸ் பரவுவதைத் தடுக்கும் என்றும் 18 சதவீதம் பேர் இது தொற்றுநோயை ஒழிக்கும் என்றும் கூறியுள்ளனர்.

நீங்கள் வெளியே செல்லும் போது கொரோனா தொற்றுக்கு பயப்படுகிறீர்களா? என்ற கேள்விக்கு 64 சதவீதம் பேர் பயப்படுவதாகக் கூறினர், 18 சதவீதம் பேர் இல்லை என்று பதிலளித்தனர்.