பாரம்பரியத்தோடு அவரது ஹார்மோன் சுரப்பும் நன்றாக ஒத்துழைத்தால் அவர்கள் முகத்தில் தாடி செழித்து வளரும். இருபது வயதாகியும் தாடி வளராவிட்டால் அவர்கள் ஹார்மோன் பரிசோதனை மேற்கொள்ளவேண்டும். ஆண்ட்ரோஜன் சுரப்பு குறைவாக இருந்தால், அதனை மேம்படுத்த மருந்துகள் உள்ளன. அதற்கு ஏற்ற உணவு களையும் சாப்பிடவேண்டும். இரண்டும் வேலை செய்யத்தொடங்கினால் தாடி நன்றாக வளரத் தொடங்கிவிடும். தாடி வளராமல் போவதற்கு பாரம்பரியம்தான் காரணம் என்றால், அதனை சீர்செய்ய எந்த வழியும் இல்லை.

தாடியும், மீசையும் ஆண்மையின் அடையாளம் என்றும், அவை இரண்டும் இல்லாதவர்கள் ஆண்மைத்தன்மையற்றவர்கள் என்ற கருத்தும் நிலவி வருகிறது. அது தவறான கருத்து. அதுபோல் முகத்தில் உள்ள குறைபாட்டை மறைக்கத்தான் பலரும் தாடி வைத்திருக்கிறார்கள் என்ற கருத்தும் தவறானது. தங்களுக்கு தாடி வளரவில்லை என்ற தாழ்வு மனப்பான்மையோடு, இன்டர்நெட்டில் மேய்ந்து பல்வேறுவிதமான தவறான தகவல்களையும் சேர்த்து படித்துவிட்டு, பாலியல் மருத்துவரிடம் ஆண்மை குறைபாட்டுக்கான சிகிச்சைக்கு சென்றவர்களும் உண்டு. உண்மையில் தாடிக்கும்-ஆண்மைக்கும் எந்த தொடர்பும் இல்லை. அடர்த்தியான தாடி இருப்பவர்களிடம்கூட ஆண்மைக்குறைபாடு காணப்படலாம். தாடியே இல்லாதவர்கள்கூட ஆண்மை பலம் அதிகம் கொண்டவர்களாகவும் இருக்கலாம்.

- தாடி அடுத்த வாரமும் நீளும்.