ஹெச்.எம்.டி. குளோபல் நிறுவனம் நோக்கியா பிராண்டில் சி 30 ரக ஸ்மார்ட்போனை அறிமுகம் செய்துள்ளது. சி பிரிவில் இது புதிய வரவாகும். இது 6.82 அங்குல ஹெச்.டி. பிளஸ் திரையைக் கொண்டது. இதில் யுனிசாக் எஸ்.சி 9863 ஏ பிராசஸர் உள்ளது. 4 ஜி.பி. ரேம், 64 ஜி.பி. நினைவகம் கொண்டது. இதில் ஆண்ட்ராய்டு 11 இயங்குதளம் உள்ளது. பின்புறம் 13 மெகா பிக்ஸெல் கேமராவும், முன்புறம் 5 மெகா பிக்ஸெல் கேமராவும் கொண்டது. பாலி கார்பனேட் மேல் பகுதியையும் கொண்டது.

இதில் 6 ஆயிரம் எம்.ஏ.ஹெச். திறன் கொண்ட பேட்டரி பயன் படுத்தப்பட்டுள்ளது. ஒரு முறை சார்ஜ் செய்தால் 3 நாட்கள் வரை செயல்படும். இரண்டு சிம் கார்டு போடும் வசதி கொண்டது. பச்சை மற்றும் வெள்ளை நிறத்தில் வந்துள்ளது. 3 ஜி.பி. ரேம், 32 ஜி.பி. நினைவகம் கொண்ட மாடல் விலை சுமார் ரூ.10,999. 4 ஜி.பி. ரேம், 64 ஜி.பி. நினைவகம் கொண்ட மாடல் விலை சுமார் ரூ.11,999.