பங்கு வியாபாரம் வீழ்ந்த நிலையில், மும்பை பங்குச்சந்தையில் நேற்று தொலைத் தொடர்பு துறை குறியீட்டு எண் அதிகபட்சமாக 9.48 சதவீதம் குறைந்தது. அடுத்து நிதிச்சேவை துறை குறியீட்டு எண் 7.65 சதவீதம் சரிந்தது. சென்செக்ஸ் கணக்கிட உதவும் 30 நிறுவனப் பங்குகளில் 2 பங்குகளின் விலை உயர்ந்தது. 28 பங்குகளின் விலை சரிவடைந்தது.

இந்தப் பட்டியலில் ஓ.என். ஜி.சி., ஐ.டி.சி. ஆகிய 2 பங்குகளின் விலை ஏற்றம் கண்டது. அதே சமயம் இண்டஸ் இந்த் வங்கி, பவர் கிரிட், கோட்டக் மகிந்திரா வங்கி, பஜாஜ் பைனான்ஸ், எச்.டீ. எப்.சி. வங்கி உள்பட 28 பங்குகளின் விலை குறைந்தது.

சென்செக்ஸ்

மும்பை பங்குச்சந்தையில், வர்த்தகத்தின் இறுதியில் சென்செக்ஸ் 1,709.58 புள்ளிகள் சரிவடைந்து 28,869.51 புள்ளிகளில் நிலைகொண்டது. வர்த்தகத்தின் இடையே அதிகபட்சமாக 31,101.77 புள்ளிகளுக்கும், குறைந்தபட்சமாக 28,613.05 புள்ளிகளுக்கும் சென்றது.

இந்தச் சந்தையில் 385 நிறுவனப் பங்குகளின் விலை உயர்ந்தும், 1,997 நிறுவனப் பங்குகளின் விலை சரிந்தும் இருந்தது. 150 நிறுவனப் பங்குகளின் விலையில் மாற்றம் இல்லை. நேற்று மொத்த வர்த் தகம் ரூ.3,365 கோடியாக உயர்ந்தது. கடந்த செவ்வாய்க் கிழமை அன்று அது ரூ.2,902 கோடியாக இருந்தது.

தேசிய பங்குச்சந்தை

தேசிய பங்குச்சந்தையில், வர்த்தகத்தின் இறுதியில் நிப்டி 498.25 புள்ளிகள் இறங்கி 8,468.80 புள்ளிகளில் முடிவுற்றது. வர்த்தகத்தின் இடையே அதிகபட்சமாக 9,127.55 புள்ளிகளுக்கும், குறைந்தபட்சமாக 8,407.05 புள்ளிகளுக்கும் சென்றது.

இக்கனாமிக் டைம்ஸ் செய்தி பிரிவு