அத்துடன் தார் வண்ணத்தில் பல டிசைனைக் கொண்ட மாடலும் அறிமுகம் செய்யப்பட்டுள்ளது. சூப்பர் ஸ்குவாட் எடிஷனாக வந்துள்ளது. ஸ்பைடர் மேனின் அடையாளமாகக் கருதப்படும் சிவப்பு, நீலக் கலவையாக பார்ப்போரைக் கவரும் வகையில் இது வெளிவந்துள்ளது. பக்கவாட்டுப் பகுதியில் ஸ்பைடர் மேனின் சிலந்தி பின்னல் ஆகியனவும் கச்சிதமாக அழகுற இடம்பெற்றுள்ளது.
ஏற்கனவே பிரபலமான கதாபாத்திரங்களான அயர்ன் மேன், பிளாக் பேந்தர் மற்றும் கேப்டன் அமெரிக்கா ஆகியவற்றின் நிறங்களை அடிப்படையாகக் கொண்ட ஸ்கூட்டர்களை இந்நிறுவனம் அறிமுகப்படுத்தியது. இப்போது ஸ்பைடர் மேன் நிற ஸ்கூட்டர்கள் சந்தைக்கு வந்துள்ளன. என்ஜினில் எவ்வித மாறுதலும் செய்யப்படவில்லை.
இது 9.4 ஹெச்.பி. திறனையும், 10.5 நியூட்டன் மீட்டர் டார்க் இழுவிசையையும் வெளிப்படுத்தும். 124.8 சி.சி. திறன் கொண்ட 3 வால்வு என்ஜினைக் கொண்டுள்ளது. டி.வி.எஸ். கனெக்ட் செயலி இணைப்பு வசதியில் இந்த கதாபாத்திரங்கள் அனைத்தும் இடம்பெற்றுள்ளன.