சென்னை கொரட்டூர் திருமலை நகர் பகுதியைச் சேர்ந்தவர் அருள்குமார். இவருடைய மனைவி திலகவதி. இவர்களுக்கு சவேதா (17), சவித்ரா (15) என 2 மகள்களும், ஜஸ்வந்தன் (14) என்ற மகனும் உள்ளனர். இதில் சவித்ரா, தனியார் பள்ளியில் சி.பி.எஸ்.இ. 10-ம் வகுப்பு பொதுத்தேர்வு எழுதி உள்ளார். தேர்வு முடிவுக்காக காத்திருந்தார்.
இந்தநிலையில் தான் தேர்வில் தோல்வி அடைந்து விடுவோமோ? என்ற பயத்தில் இருந்து வந்த சவித்ரா, வீட்டில் தூக்குப்போட்டு தற்கொலை செய்து கொண்டார். இதுபற்றி கொரட்டூர் போலீசார் வழக்குப்பதிவு செய்து விசாரித்து வருகின்றனர்.