தொடர்ந்து காரில் இருந்த மூன்று பேரையும் மடக்கிப் பிடித்து விசாரணை நடத்தினர். விசாரணையில் அவர்கள் சூரியக்கோடு பகுதியை சேர்ந்த வினு (வயது48), ஆறுகாணி பகுதி சேர்ந்த டைட்டஸ் (52), தங்கராஜ் (58) என்பது தெரிய வந்தது. இவர்கள் ஆறுகாணி மலைப்பகுதியில் இருந்து ஒரு மண்ணுளி பாம்பை பிடித்து, கேரளாவைச் சேர்ந்த பாம்பு கடத்தல் கும்பலிடம் விற்பனை செய்வதற்காக பல லட்சம் ரூபாயில் பேரம் பேசியுள்ளனர்.

3 பேர் கைது

பின்னர், கேரள கும்பல் கேட்டுக்கொண்டபடி மண்ணுளி பாம்பை விற்பனை செய்வதற்காக பருத்திப்பள்ளி பகுதிக்கு காரில் கொண்டு சென்றனர். இந்த நிலையில் கேரள வனத்துறையினரிடம் அவர்கள் சிக்கி கொண்டனர்.

இதையடுத்து 3 பேரையும் வனத்துறையினர் கைது செய்து அவர்களிடம் இருந்த மண்ணுளி பாம்பு, கார் ஆகியவற்றை பறிமுதல் செய்தனர். பின்னர் கைது செய்யப்பட்ட 3 பேரும், பறிமுதல் செய்யப்பட்ட கார், மண்ணுளி பாம்பு ஆகியவையும் பருத்திபள்ளிக்கு கொண்டு செல்லப்பட்டன. இந்த சம்பவம் அந்த பகுதியில் பெரும் பரபரப்பு ஏற்படுத்தியது.