உத்தரபிரதேச மாநிலத்தை சேர்ந்தவர் அசோக்குமார் (வயது 25). இவர், ஆவடி அடுத்த கவுரிபேட்டையில் வசித்து வருகிறார். ஆவடி கோவில்பதாகை மசூதிக்கு பின்புறம் கவரிங் நகை கடை வைத்து உள்ளார். சம்பவத்தன்று இவரது கடைக்கு வந்த 3 பேர் திடீரென அசோக்குமார் தலையில் அரிவாளால் வெட்டிவிட்டு கடையில் இருந்த கவரிங் நகைகளை கொள்ளையடித்து சென்றனர். இதில் படுகாயம் அடைந்த அசோக்குமார் தலையில் 9 தையல் போடப்பட்டது.