கோவை மாவட்டம் காரமடை அருகே கண்டியூர் மேற்கு தோட்டம் பகுதியைச் சேர்ந்தவர் சின்னசாமி (வயது 65)விவசாயி, இவர் தனது தோட்டத்தில் மாடு,கோழிகளை உள்ளிட்டவை வளர்த்து வருகிறார். இந்த நிலையில் நேற்று அதிகாலை 5.30மணிக்கு தனது மாட்டில் பால் கறந்து அருகிலுள்ள பகுதி கொண்டு சென்று பால் ஊற்றவிட்டு மீண்டும் காலை 7.30 மணிக்கு தோட்டத்திற்கு வந்த போது, தோட்டத்தில் இருந்த 12 கோழிகளில் 6 கோழிகளை காணாமலும், 5 கோழிகள் மர்மமான முறையில் இறந்து கிடந்தது.

மேலும் மாட்டு பட்டியில் கட்டி வைத்திருந்த பசுமாட்டின் பின்புறமும் காயங்கள் ஏற்பட்டு இருந்தது. இது குறித்து உடனடியாக வனத்துறைக்கு தகவல் தெரிவித்ததன் பேரில், வனத்துறையினர் சம்பவ இடத்திற்கு விரைந்து வந்து ஆய்வு செய்தனர்.