கர்நாடக மாநிலம் மைசூருவில் இருந்து ஈரோடு மாவட்டம் நம்பியூர் அருகே உள்ள பூதிமடைபுதூரில் உள்ள அண்ணன்மார் கோவில் திருவிழாவிற்காக 11 பேர் ஒரு காரில் சென்றுகொண்டு இருந்தார்கள். மகேஷ் (வயது 27) என்பவர் காரை ஓட்டினார்.குருமந்தூர்-கொளப்பலூர் ரோட்டில் சென்றபோது, பூதிமடைப்புதூர் என்ற இடத்தில் கட்டுப்பாட்டை இழந்து ரோட்டோர பள்ளத்தில் கார் கவிழ்ந்தது. இந்த விபத்தில் இடிபாடுகளில் சிக்கி டிரைவர் மகேஷ் உள்பட காரில் பயணம் செய்தமஞ்சுநாதன், நாகராஜ், மாதம்மாள், பத்திரம்மா, பல்லவி, திவ்யா ஆகிய 7 பேர் படுகாயம் அடைந்தார்கள். இவர்கள் அனைவரும் கோபி அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார்கள். எஞ்சிய 4 பேர் சிறு காயங்களுடன் தப்பினார்கள்.இந்த விபத்து குறித்து நம்பியூர் போலீஸ் இன்ஸ்பெக்டர் நிர்மலா வழக்குப்பதிவு செய்து விசாரணை நடத்தி வருகிறார்.