வெற்றிவேல் யாத்திரைக்கு மாவட்டத்தின் பல்வேறு பகுதிகளில் இருந்து திரளானவர்கள் கலந்து கொண்டனர். அவர்கள் கட்சி கொடிகள் மற்றும் மத்திய அரசின் திட்டங்கள் குறித்த வாசகங்கள் அடங்கிய அட்டைகளை கைகளில் ஏந்தியபடி நின்றனர்.

வெற்றிவேல் யாத்திரைக்கு அனுமதி கிடையாது என்பதால் 500-க்கும் மேற்பட்ட போலீசார் பாதுகாப்பு பணியில் ஈடுபட்டனர். கூட்டம் முடிவடைந்ததும் வெற்றிவேல் யாத்திரைக்கு செல்ல முயன்ற மாநில தலைவர் எல்.முருகன் மற்றும் நிர்வாகிகளை போலீசார் கைது செய்து வேனில் ஏற்றி அருகில் உள்ள திருமண மண்டபத்துக்கு அழைத்து சென்றனர். மொத்தம் 84 பெண்கள் உள்பட 762 பேர் கைது செய்யப்பட்டனர்.