மலையில் இருந்து தவறி விழுந்த பெண் யானை சாவு

பாபநாசம் மேற்கு தொடர்ச்சி மலையில் புலி, சிறுத்தை, யானை, கரடி, மான், மிளா உள்ளிட்ட ஏராளமான வனவிலங்குகள் உள்ளன. இந்த நிலையில் களக்காடு முண்டந்துறை புலிகள் காப்பகம் அம்பை கோட்டம் பாபநாசம் முண்டந்துறை வனச்சரகத்திற்கு உட்பட்ட தைலாத்து ஓடை பகுதியில் வனத்துறையினர் நேற்று வழக்கம்போல் ரோந்து பணியில் ஈடுபட்டனர். அப்போது அங்கு யானை மலையில் இருந்து தவறி பாறையில் விழுந்து இறந்து கிடந்ததை பார்த்து அதிர்ச்சி அடைந்தனர். இதுகுறித்து உயர் அதிகாரிகளுக்கு தகவல் தெரிவிக்கப்பட்டது.