சென்னை நந்தனம் அண்ணாசாலை பகுதியில் உள்ள அடுக்குமாடி கட்டிடத்தில் ஜெராக்ஸ் மிஷின்கள் விற்பனைக் கடை உள்ளது. இந்த கடையில் நேற்றிரவு திடீரென தீ விபத்து ஏற்பட்டது. இது குறித்து தகவலறிந்து சம்பவ இடத்திற்கு விரைந்து வந்த தீயணைப்புத்துறையினர், சுமார் ஒன்றரை மணி நேரம் போராடி தீயை அணைத்தனர்.

இந்த தீ விபத்தால் அப்பகுதியில் கடும் புகைமூட்டம் நிலவியது. அருகில் பெட்ரோல் நிலையம், இருசக்கர வாகன ஷோரும் உள்ளிட்டவை இருந்த நிலையில், தீ விரைந்து அணைக்கப்பட்டதால் பெரும் சேதம் தவிர்க்கப்பட்டது. இந்த தீ விபத்திற்கான காரணம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.