செங்கல்பட்டு மாவட்டம் திருப்போரூர், பழைய மாமல்லபுரம் சாலை வழியாக முக்கிய பகுதிகளுக்கு நாள்தோறும் ஏராளமான வாகனங்கள் சென்று வருகின்றன. இந்த நிலையில் நேற்று அதிகாலை பழைய மாமல்லபுரம் சாலையில் மாமல்லபுரத்தில் இருந்து திருப்போரூர் நோக்கி சென்று கொண்டிருந்த லாரி சாலையின் நடுவில் உள்ள தடுப்புச்சுவரில் மோதி விபத்துக்குள்ளானது. இந்த விபத்தில் லாரி டிரைவர் எந்தவித காயமும் இன்றி, அதிர்ஷ்டவசமாக உயிர் தப்பினார். இருப்பினும் தடுப்புச்சுவரில் அமைக்கப்பட்டிருந்த உயர் கோபுர மின் விளக்கு கம்பம், கண்காணிப்பு கேமரா என ரூ.2 லட்சம் மதிப்புள்ள பொருட்கள் சேதம் அடைந்தது.