இதற்கிடையே சுருதியை கைது செய்தபோது, சுருதி, அவருடைய நண்பரான சபரிநாத் உள்பட 5 பேர் சேர்ந்து ஆயுதப்படை போலீஸ்காரரான சாகுல் ஹமீதுவை தாக்கியதாக கூறப்படுகிறது. இது குறித்து போலீசார் வழக்குப் பதிவு செய்து சபரிநாத்தை கடந்த 10-ந் தேதி கைது செய்தனர்.

திருமண ஆசைகாட்டி பலரை ஏமாற்றிய வழக்கில் சுருதி உள்பட 4 பேரை சைபர் கிரைம் போலீசார் கைது செய்ததால், போலீஸ்காரரை தாக்கிய வழக்கில் அவர்களை உடனடியாக கைது செய்ய முடியவில்லை. இதற்கிடையே, இந்த வழக்கில் சுருதி உள்பட 4 பேரை கைது செய்ய கோர்ட்டில் அனுமதி கேட்டு மனு தாக்கல் செய்தனர். அதற்கு கோர்ட்டு அனுமதி கொடுத்ததை தொடர்ந்து, நேற்று ரேஸ்கோர்ஸ் போலீசார் சுருதி உள்பட 4 பேரை கைது செய்தனர். இந்த தகவல் சிறை அதிகாரிகளுக்கு தெரிவிக்கப்பட்டது.

பின்னர் 4 பேரும் கோவை கோர்ட்டில் நேற்று ஆஜர்படுத்தப்பட்டனர். மாஜிஸ்திரேட்டு வேலுசாமி அவர்கள் 4 பேரையும் வருகிற 13-ந் தேதி வரை போலீஸ் காவலில் வைக்க உத்தரவிட்டார். இதைத்தொடர்ந்து போலீசார் அவர்களை மீண்டும் கோவை மத்திய சிறையில் அடைத்தனர்.