6 டன் வேளாண் விளைபொருட்கள் ஏலம்

இதன்படி நேற்று காலை ஒழுங்குமுறை விற்பனை கூடத்திற்கு சுற்றுவட்டார விவசாயிகள் 8 ஆயிரத்து 988 தேங்காய்களை (3840 கிலோ) ஏலத்திற்கு கொண்டு வந்திருந்தனர். இதனை தொடர்ந்து டெண்டர் முறையில் ஏலம் நடைபெற்றது. இதில் ஒரு கிலோ தேங்காய் அதிகபட்ச விலையாக ரூ.24.25-க்கும், குறைந்தபட்ச விலையாக ரூ.20.15-க்கும், சராசரி விலையாக ரூ.24.15-க்கும் ஏலம் விடப்பட்டது.

தேங்காய் பருப்பு ஏலம்

மேலும் 69 தேங்காய் பருப்பு மூட்டைகள் ஏலம் விடப்பட்டதில் ஒரு கிலோ தேங்காய் பருப்பு அதிகபட்ச விலையாக ரூ.84.15-க்கும், குறைந்தபட்ச விலையாக ரூ.56-க்கும், சராசரி விலையாக ரூ.80.15-க்கும் டெண்டர் முறையில் ஏலம் விடப்பட்டது.

மேலும் 8 மூட்டைகள் சிவப்பு ரக எள் டெண்டர் முறையில் ஏலம் விடப்பட்டதில் ஒரு கிலோ அதிகபட்சமாக ரூ.110.30-க்கும், குறைந்தபட்ச விலையாக ரூ.81.10-க்கும், சராசரி விலையாக ரூ.110.20-க்கும் ஏலம் விடப்பட்டது.

மேலும் ஒழுங்குமுறை விற்பனை கூடத்தில் கடந்த வாரத்தை விட இந்த வாரம் 5 ஆயிரத்து 284 தேங்காய்களும், 12 தேங்காய் பருப்பு மூட்டைகளும் குறைவாக கொண்டு வரப்பட்டு ஏலம் விடப்பட்டது. இதில் கடந்த வாரத்தை விட இந்த வாரம் தேங்காய் ஒரு கிலோவிற்கு 20 பைசாவும், தேங்காய் பருப்பு ஒரு கிலோவிற்கு ரூ.2.45- ம் கூடுதலாகவே விவசாயிகளுக்கு கிடைத்தது. மேலும் ஒழுங்குமுறை விற்பனை கூடத்திற்கு கடந்த வாரம் எள் வரத்து இல்லாததால் ஏலம் நடைபெறவில்லை. ஆனால் இந்த வாரம் நடைபெற்ற ஏலத்தில் ஒரு கிலோ சிவப்பு ரக எள் ரூ.110- ஐ தாண்டி உள்ளது. மேலும் கடந்த 5 மாதங்களுக்கு முன்பு தேங்காய் பருப்பு விலை கிலோ ரூ.90-ஐ தாண்டி ஏலம் விடப்பட்டு வந்த நிலையில் தற்போது வரை ரூ.90-க்கும் கீழே விலை சரிந்து ஏலம் விடப்பட்டு வருகிறது என்பது குறிப்பிடத்தக்கது.

6 டன் ஏலம்

மேலும் ஒழுங்குமுறை விற்பனை கூடத்தில் தேங்காய், தேங்காய் பருப்பு, எள் மூட்டைகள் 6 டன் அளவில் மொத்தம் ரூ.2 லட்சத்து 89 ஆயிரத்து 689-க்கு வேளாண் விளைபொருள்கள் ஏலம் விடப்பட்டது.

இத்தகவலை முத்தூர் ஒழுங்குமுறை விற்பனைக்கூட மேற்பார்வையாளர் கே.தங்கவேல் தெரிவித்து உள்ளார்.