சென்னையை அடுத்த மாதவரம் மண்டல அலுவலகத்தில் உள்ள வருவாய் துறையில் லஞ்சம் தலைவிரித்து ஆடுவதாக லஞ்ச ஒழிப்பு போலீசாருக்கு ரகசிய தகவல் கிடைத்தது. இதையடுத்து நேற்று முன்தினம் மாலை 6 மணி அளவில் லஞ்ச ஒழிப்புத்துறை துணை கண்காணிப்பாளர் பிரியதர்ஷினி தலைமையில் 3 இன்ஸ்பெக்டர்கள், 10-க்கும் மேற்பட்ட போலீசார் அதிரடியாக மாதவரம் மண்டல அலுவலகத்துக்குள் நுழைந்தனர்.

லஞ்ச ஒழிப்பு போலீசாரை கண்டதும் மற்ற துறை அலுவலர்கள் அங்கிருந்து ஓட்டம் பிடித்தனர். இதையடுத்து லஞ்ச ஒழிப்பு போலீசார் வருவாய் ஆய்வாளர் சூரியபானு மற்றும் 10-க்கும் மேற்பட்ட ஊழியர்களிடம் விசாரணையை தொடங்கினர். அங்கிருந்த முக்கிய ஆவணங்களையும் தீவிரமாக சோதனை செய்தனர்.