சுதந்திர தினத்தையொட்டி ஆன்லைன் கல்வி ரேடியோ சார்பில் பல்வேறு போட்டிகள் நடத்தப்பட்டது. கட்டுரை, பாடல்கள், சுதந்திர போராட்ட வீரர்களின் பெயர்கள், தேசிய சின்னங்கள், மாநில சின்னங்கள், மாநிலங்களின் பெயர்கள், மாவட்டங்களின் பெயர்களை மாணவ-மாணவிகள் குரல் வடிவில் ஆன்லைன் கல்வி ரேடியோவிற்கு அனுப்பினர். அதன்படி பொள்ளாச்சி ஏரிப்பட்டி ஊராட்சி ஒன்றிய நடுநிலைப்பள்ளியை சேர்ந்த மாணவ-மாணவிகள் 20 பேர் மொத்தம் 200 ஆடியோக்களை அனுப்பினர். இதில் 20 பேருக்கும் பாராட்டு சான்றிதழ் வழங்கப்பட்டது. இதை ஒருங்கிணைத்த அறிவியல் பட்டதாரி ஆசிரியை கீதாவிற்கும் பாராட்டு சான்றிதழ் கிடைத்தது. பாராட்டு சான்றிதழ் பெற்ற மாணவ-மாணவிகளை தலைமை ஆசிரியை சுகந்தி மற்றும் ஆசிரியர்கள் பாராட்டினர். இதில் தமிழகத்தில் இருந்து 7 ஆயிரம் மாணவர்கள் கலந்துகொண்டு 15 ஆயிரம் ஆடியோக்களை தயாரித்து அனுப்பி உலக சாதனை நிகழ்விற்கு விண்ணப்பித்ததாக ஆசிரியர்கள் தெரிவித்தனர்.