சென்னை அருகே மீஞ்சூர் அடுத்த லட்சுமிபுரம் பகுதியைச் சேர்ந்த அஜித் என்பவர் கடந்த மூன்று நாட்களுக்கு முன்பு மாயமானதாக அவரது பெற்றோர் காவல் நிலையத்தில் புகார் அளித்தனர். இந்த புகார் தொடர்பாக போலீசார் விசாரணை நடத்தி வந்த நிலையில், ராமரெட்டி பாளையம் பகுதியில் உள்ள பாழடைந்த கிணற்றில் ஆண் சடலம் ஒன்று மிதப்பதாக தகவல் கிடைத்தது.

அதன்படி அங்கு வந்த போலீசார் கிணற்றில் இருந்த உடலை மீட்டு விசாரணை நடத்தியதில், காணாமல் போன அஜித் என்பது தெரியவந்தது. இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தியதில், அஜித்திற்கு மது வாங்கி கொடுத்து முன் விரோதம் காரணமாக அவரது நண்பர்களே கொலை செய்தது தெரிய வந்தது.