நாமக்கல் மாவட்டத்தில் மகளிர் உரிமை தொகை வழங்கும் திட்டத்துக்காக முதல்கட்ட விண்ணப்பப்பதிவு முகாம் வருகிற 24-ந் தேதி முதல் ஆகஸ்டு மாதம் 4-ந் தேதி வரையும், இரண்டாம் கட்ட முகாம் ஆகஸ்டு 5-ந் தேதி முதல் 16-ந் தேதி வரையும் நடக்கிறது. இம்முகாம் காலை 9.30 மணி முதல் மதியம் 1 மணி வரையும், பிற்பகல் 2 மணி முதல் மாலை 5.30 மணி வரையும் நடக்கிறது. விடுமுறை நாளான ஞாயிற்றுக்கிழமைகளிலும் முகாம் நடக்கும் என அறிவிக்கப்பட்டு உள்ளது. மேலும் டோக்கனில் குறிப்பிட்டுள்ள நாளில் முகாம்களுக்கு சென்று, விண்ணப்பத்தை பூர்த்தி செய்து, சமர்ப்பிக்க வேண்டும் என தெரிவிக்கப்பட்டு உள்ளது.