கொரோனா வைரஸ் பரவலை தடுப்பதற்கான ஊரடங்கு உத்தரவால் மக்கள் வீடுகளில் முடங்கி கிடந்தனர். இந்த நிலையில், நேற்று ஞாயிற்றுக்கிழமை என்பதால் மீன் மற்றும் இறைச்சி கடைகளில் மக்கள் கூட்டம் அலைமோதியது. ஆனால், கோயம்பேடு மார்க்கெட்டில் மக்கள் கூட்டம் வெகு குறைவாகவே காணப்பட்டது. இதனால், காய்கறிகளும் மிகவும் மலிவான விலையில் விற்பனை செய்யப்பட்டன.

பெரிய வெங்காயம் 3 கிலோ ரூ.100-க்கும், சின்ன வெங்காயம் கிலோ ரூ.100-க்கும், முள்ளங்கி, முருங்கைக்காய், உருளைகிழங்கு தலா கிலோ ரூ.40-க்கும், கேரட், தக்காளி, முட்டைக்கோஸ் தலா கிலோ ரூ.30-க்கும், புடலங்காய், சுரைக்காய் தலா ரூ.20-க்கும், கத்தரிக்காய் கிலோ ரூ.10-க்கும் விற்பனை செய்யப்பட்டது.