அணையின் மொத்த நீர்மட்டம் 23.5 அடி. தொடர் மழை காரணமாக அணைக்கு நீர்வரத்து ஏற்பட்டு நேற்றைய நிலவரப்படி அணையின் நீர்மட்டம் 16 அடியாக உயர்ந்து உள்ளது. ஆத்தூர் காமராஜர் அணைக்கு நீர்வரத்து அதிகரித்து உள்ளதால், விவசாயிகள் மற்றும் பொதுமக்கள் மகிழ்ச்சி அடைந்துள்ளனர். இதுகுறித்து ஆத்தூர் நீர்ப்பாசன விவசாயிகள் கூறுகையில், தொடர்ந்து மேற்கு தொடர்ச்சி மலைப் பகுதியில் மழை பெய்தால், ஒரு வார காலத்திற்குள் ஆத்தூர் காமராஜர் அணை நிரம்பி தண்ணீர் மறுகால்பாயும் என்றனர்.