விடுமுறையொட்டி, சென்ட்ரல், எழும்பூர் உள்ளிட்ட முக்கிய ரெயில் நிலையங்களிலும் மக்கள் கூட்டம் அலைமோதியது. தமிழகத்தின் பல்வேறு பகுதிகளுக்குச் செல்லும் வகையில் சிறப்பு ரெயில்கள் இயக்கப்பட்டன. இவற்றின் வாயிலாக 2 லட்சத்துக்கும் மேற்பட்டேர் பயணித்தனர். இவ்வாறு அரசுப் பேருந்துகள், ரெயில்கள், ஆம்னி பேருந்துகள் உள்ளிட்டவை மூலம் 4.80 லட்சத்துக்கும் மேற்பட்டேர் சொந்த ஊர்களுக்குப் புறப்பட்டுச் சென்றனர்.

இந்தநிலையில், ஆயுதபூஜை தொடர் விடுமுறையை முன்னிட்டு சிறப்பு பேருந்துகள் இயக்கப்பட்டுள்ளன. செப்.26 முதல் 30 வரை 13,303 பேருந்துகள் இயக்கப்பட்டன. சிறப்பு பேருந்துகளில் 6,91,757 பயணிகள் பயணித்துள்ளதாக தமிழ்நாடு அரசு விரைவு போக்குவரத்துக்கழக மேலாண் இயக்குநர் தகவல் தெரிவித்துள்ளார்.