ஈரோடு மாவட்டம் பவானி கூடுதுறை காவிரி ஆறு, பவானி ஆறு, அமுத நதி என 3 நதிகள் சங்கமிக்கும் பகுதியாக திகழ்ந்து வருகிறது. மேலும் தமிழகத்தின் பல்வேறு பகுதிகளில் இருந்தும் ஆந்திரா, கேரளா மற்றும் வட மாநிலங்களில் இருந்தும் தினமும் ஏராளமான பொதுமக்கள் வந்து புனித நீராடுகிறார்கள்.

இந்த நிலையில் முதல்-அமைச்சர் மு.க.ஸ்டாலின் இன்று (ஞாயிற்றுக்கிழமை) முதல் வருகிற 9-ந் தேதி வரை ஊரடங்கை நீட்டித்து உத்தரவிட்டுள்ளார். மேலும் கூட்டம் கூடுவதற்கும் நீர்நிலைகளில் புனித நீராடவும் தடை விதிக்கப்பட்டுள்ளது.