நெல்லை,
களக்காடு முண்டந்துறை புலிகள் காப்பகம் அம்பை கோட்ட துணை இயக்குனரும், வன உயிரினக் காப்பாளருமான இளையராஜா வெளியிட்டுள்ள செய்திக்குறிப்பில் கூறியிருப்பதாவது:-
களக்காடு முண்டந்துறை புலிகள் காப்பகம் அம்பை வனக்கோட்டம் அம்பை வனச்சரகத்திற்கு உட்பட்ட மாஞ்சோலை பகுதியில் கனமழை எச்சரிக்கை உள்ளதாலும், சட்டம்-ஒழுங்கு பராமரிப்பு அவசியம் கருதியும், இன்று (ஞாயிற்றுக்கிழமை) முதல் நாளை மறுநாள் (செவ்வாய்க்கிழமை) வரையிலும் 3 நாட்களுக்கு சூழல் சுற்றுலா செல்ல சுற்றுலா பயணிகளுக்கு தடை விதிக்கப்படுகிறது.
மேலும், அப்பகுதியில் குடியிருக்கும் மக்களை தவிர்த்து வெளிநபர்கள் தனியார் வாகனங்களிலும், அரசு பஸ்களிலும் மாஞ்சோலை பகுதிக்கு செல்ல முற்றிலும் தடை விதிக்கப்படுகிறது. இவ்வாறு அவர் கூறப்பட்டுள்ளது.